Охридска банка АД Скопје се приклучи кон семејството на австриската Шпаркасе групација. Шпаркасе групацијата отсега ќе дејствува преку две банки во своја сопственост во Македонија: Охридска банка АД Скопје, која до оваа промена беше дел од групацијата „Societe Generale“, и Шпаркасе банка Македонија АД Скопје, дел од Шпаркасе групацијата уште од 2008 година.

Сè до целосното спојување кое е планирано за 2021 година, Охридска банка АД Скопје и Шпаркасе банка Македонија АД Скопје ќе продолжат да дејствуваат како посебни правни ентитети, иако и двете банки ќе бидат дел од Шпаркасе групацијата. По очекуваната интеграција, Банката ќе има актива од околу една милијарда евра и со тоа ќе стане четврта банка по големина во Р Северна Македонија. За сите идни промени ќе бидете навреме известени.

До интеграцијата на двете банки во една институција нема да има промени за Вас како наш клиент. Тековниот процес нема да има влијание на условите што се договорени претходно во однос на производите и на услугите што ги користите. Во исто време, двете банки ќе продолжат да работат на подобрување на постојните и на воведување нови производи и услуги, кои ќе одговорат на Вашите потреби.

Промената на сопственоста на Банката нема да иницира никакви промени во однос на Вас како клиент. Нема потреба од посета на Вашата експозитура по овој повод, но, секако, Вие сте добредојден и вратите на Банката се секогаш отворени за Вас.

Да, бројот на Вашата сметка останува ист.

Во секое време можете да контактирате со нас преку нашиот контакт-центар на телефонот: (02)15 050. Исто така, сите наши е-адреси остануваат исти. Адресата на веб-сајтот на Охридска банка останува иста:www.ohridskabanka.mk.